«Արմենիա» բժշկական կենտրոն
Տեղեկատու.+374 10 318 190
Ընդունարան. 81 03, 88 44

Նյարդաակնաբուժական կաբինետ

Արմենիա ՀԲԿ, Նյարդաակնաբուժական կաբինետ«Արմենիա» ՀԲԿ-ի նյարդաակնաբուժական  ծառայությունը զբաղվում է աչքի և նյարդային համակարգի հիվանդությունների ախտորոշմամբ:

 

Այս ծառայությունն իրականացվում է նյարդավիրաբուժական և ակնաբուժական ախտանիշների համակցման դեպքում և չի համարվում ակնաբուժական ծառայություն: Այն առավել մոտ է նյարդաբանական և նյարդավիրաբուժական հիվանդությունների հետ կապված խնդիրների ախտորոշմանն ու բուժմանը: Իրականացվում են հետազոտություններ կապված ներգանգային ճնշման բարձրացումների, տեսողական խանգարումների հետ, որոնք անմիջական կապ ունեն ոչ թե աչքերի, այլ գլխուղեղում գտնվող տեսողական ուղիների հետ:

 

Նյարդաակնաբուժական ծառայության շրջանակում կատարվում են այնպիսի հիվանդությունների ախտորոշում, ինչպիսիք են շաքարային դիաբետը, զարկերակային հիպերտենզիան, վահանաձև գեղձի հիվանդությունները, ինչպես նաև ախտորոշում է իրականացվում ուժեղ գլխացավերի, գլխապտույտների գանգատների դեպքերում:

 

Առաջնահերթ հետազոտվում է աչքի տեսողությունը, որից հետո պարզ է դառնում՝ պացիենտը տեսողությա՞ն, թե՞ գլխի հետ կապված խնդիրներ ունի: Առանց աչքի բիբը լայնացնելու, օֆտալմոսկոպի միջոցով ուսումնասիրվում է ակնահատակը, որն օգնում է պարզել գլխուղեղի անոթների վիճակը:

 

Ի դեպ, տեսողական նյարդը միակ նյարդն է, որ տեսանելի է: Նյարդաակնաբուժական կաբինետում հետազոտվելը տարիքային սահմանափակում չունի, սակայն հիմնականում դիմում են 18-ն անց պացիենտները: