Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Կոագուլոգրամա
Կոագուլոգրամա հետազոտությունը հաճախ չի իրականացվում, այն հիմնականում անհրաժեշտ է վիրահատություններից առաջ: Այս տերմինը ծանոթ է նաև հղի կանանց, որոնց մոտ կոագուլոգրաման կատարվում է հղիության յուրաքանչյուր եռամսյակում:
Կոագուլոգրաման արյան մակարդելիության համակարգի (հեմոստազի) հետազոտությունն է: Մակարդելիության խանգարումները լուրջ հետևանքներ կարող են ունենալ, ցածր ցուցանիշների դեպքում կարող է երկարատև արյունահոսություն լինել` անգամ փոքր վնասվածքի ժամանակ, և, հակառակը՝ արյան թանձրության դեպքում դիտվում են թրոմբների առաջացում, որը կարող է կաթվածի պատճառ լինել:
Այդ փոփոխությունները հաճախ կարող են չարտահայտվել, բայց վիրահատության և ծննդաբերության ժամանակ կրիտիկական վիճակների պատճառ դառնալ:
Ե՞րբ է անհրաժեշտ իրականացնել կոագուլոգրամա
- տարբեր վիրահատություններից առաջ,
- պարտադիր է հղիության ժամանակ, որպեսզի ժամանակին հայտնաբերել և բացառել բազմաթիվ բարդություններ, որոցից է, օրինակ, պլացենտայի վաղաժամ շերտազատումը,
- ամբողջական կոագուլոգրամա կատարվում է, եթե կա թրոմբների առաջացման հակում,
- պարտադիր է հակամակարդիչ դեղերով բուժման ժամանակ,
- իրականացվում է որոշ հիվանդությունների ժամանակ՝ լյարդի, անոթային համակարգի, տարած կաթվածի դեպքում,
- ամբողջական կոագուլոգրամա կատարվում է, երբ կա անհայտ պատճառով չդադարող արյունահոսություն:
Հետազոտությունը ներառում է
- ֆիբրինոգենի որոշում,
- ակտիվացված մասնակի թրոմբոպլաստինային ժամանակի որոշում,
- թրոմբինային ժամանակի որոշում,
- պրոթրոմբինային ժամանակի որոշում՝ պրոթրոմբինային ինդեքսի հաշվարկմամբ:
Սկզբնաղբյուր՝ kdlolymp.kz