Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Հիպոթիրեոզ. կյանքի գույները խլող հիվանդություն
Հիպոթիրեոզ հիվանդությունը զարգանում է վահանագեղձի հորմոնների անբավարարության հետևանքով:
Այդ ածտաբանության ժամանակ, փաստացի, մարդկանց ոչինչ չի անհանգստացնում, բայց կյանքն անցնում է կողքով՝ ոչինչ չի ուրախացնում, չի պատճառում բավարարության զգացում, նրանք, ասես, հոգնած են ամեն ինչից, բայց պատճառը հասկանալի չէ: Կյանքը կորցնում է իր գույները, և եթե ժամանակին չախտորոշվի, ապա հիպոթիրեոզը կարող է սարսափելի հետևանքների հանգեցնել:
Հիպոթիրեոզը երեխաների մոտ արտահայտվում է.
- մտավոր և ֆիզիկական թերզարգացումով` մինչև կրետինիզմ,
- սրտի խնդիրներներով,
- իմունիտետի անկումով, որը է դառնում է քրոնիկական վարակների պատճառ:
Մեծահասակների մոտ կարող են դիտվել.
- ինտելեկտի և հիշողության վատացում,
- սրտի հետ կապված խնդիրներ,
- արյան ճնշման կայուն իջեցում,
- իմունիտետի անկում,
- իմպոտենցիա և անպտղություն,
- անգամ` կոմա:
Հիպոթիրեոզը բազմագործոնային հիվանդություն է, այսինքն, նրա զարգացման պատճառները խիստ տարբեր են: Պատճառից և հիվանդության փուլից կախված, նշանակվում են տարբեր բուժումներ:
Հիվանդության պատճառը և զարգացումը վերացնելու համար անհրաժեշտ է հետազոտությունների համակարգ, որոնց մեջ ներառված են վահանագեղձի ֆունկցիոնալ և օրգանական հետազոտությունները:
Հարկ է հետազոտվել, եթե առկա են հետևյալ ախտանշանները.
- քաշի կտրուկ ավելացում,
- հոգնածություն և քնկոտություն,
- հիշողության և ինտելեկտի անկում,
- մշտական վատ տրամադրություն,
- կանանց մոտ` դաշտանային ցիկլի խանգարումներ,
- մաշկի չորություն և թեփոտում,
- մազաթափություն, անփայլ և կոտրատվող մազեր,
- փորկապություն:
Որքան շուտ ախտորոշվի հիվանդությունը և շուտ սկսվի բուժումը, այնքան արդյունավետությունը բարձր կլինի: Բուժումից հետո կյանքը դարձյալ գունագեղ կդառնա: