Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Միջկողային նևրալգիա կամ սրտային նոպա
5 հիմնական տարբերությունները
Կրծքավանդակի ձախ կողմում ցավը տագնապ է առաջացնում յուրաքանչյուրի մոտ:
Ինչպե՞ս տարբերել միջկողային նևրալգիան սրտային նոպայից:
Միջկողային նևրալգիան առաջացնում է ցավ, տհաճ զգացողություն, բայց այն սրտային նոպայի նման վտանգավոր չէ: Եթե արագ չհասկացվի ցավի պատճառը, հետևանքները կարող են տխուր լինել:
Առանց էլեկտրասրտագրության և այլ հետազոտությունների հնարավոր չէ ճշգրիտ ախտորոշել:
Սակայն կան որոշակի առանձնահատկություններ, որոնք օգնում են կողմնորոշվել իրավիճակում և խուսափել ավելորդ տագնապից:
Ցավի բնույթը
Միջկողային նևրալգիայի ցավը հաճախ շատ սուր է, թափանցող, ինչպես հոսանքը: Այն ուժեղանում է հազի, փռշտոցի, խորը շնչելու, մարմնի կամ ձեռքի դիրքը փոխելու ժամանակ: Սրտային ցավերը հաճախ նվացող են, ցրված, ճնշող: Բացառություն է միոկարդի ինֆարկտը, բայց այդ դեպքում առկա է ցավի տեղակայման տարբերություն:
Տեղակայումը
Նյարդերի ճնշման ցավը զգացվում է կողի ամբողջ տարածքում, կարող է տարածվել դեպի մեջք: Նյարդի սեղմման տեղում կարող է նկատվել այտուցվածություն, սեղմելիս` ցավ:
Սրտամկանի ինֆարկտի դասական ձևի ժամանակ դիտվում է սուր, դաշույնի հարված հիշեցնող ցավ` սրտի շրջանում և ողնաշարում: Մյուս բոլոր դեպքերում ցավերը տվյալ հիվանդությանը բնորոշ շրջանում են զգացվում. ստենոկարդիայի ցավը զգացվում է ձախ թևում, թիակի տակ, պարանոցում: Միոկարդիտի և պերիկարդիտի դեպքում ցավը մարմնի ձախ կողմում է, թիակի տակ և որովայնի վերին մասում, հիպերտոնիայի ժամանակ սրտի ցավի զուգակցում է գլխացավը և այլն:
Տևողությունը
Սովորաբար, նևրալգիկ ցավը երկարատև է, ոչ պակաս 20 րոպեից և կարող է տևել մի քանի օր: Սրտային նոպաների տևողությունը կարճատև է:
Պատճառները
Եթե սրտային նոպայի համար կարևոր է սթրեսը, հուզական ապրումները, զարկերակային ճնշման բարձրացումը, ապա նևրալգիան սկսվում է ինչ-որ ֆիզիկական վարժության, վնասվածքների, սառեցման արդյունքում: Միջկողային նևրալգիաների պատճառ կարող են լինել օստեոխոնդրոզը, միջողային ճողվածքը, մկանային սպազմը:
Կիրառվող պատրաստուկները
Նիտրոգլիցերինը և վալիդոլն օգնում են սրտային ցավերի մեծամասնության դեպքում: Միջկողային նևրալգիայի ժամանակ դրանց օգտագործումն անօգուտ է: