Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Մանրէաբանական պատերազմ… ստամոքսում
Գաստրոէնտերոլոգների վերջին տվյալների համաձայն՝ մարդկանց մեծ մասի մոտ (մոտավորապես 80%) օրգանիզմում առկա է Helicobacter Pylori մանրէն: Հենց դրա առկայությունն է մարդու մոտ քրոնիկ անտրալ ատրոպիկ գաստրիտի, քրոնիկ էրոզիվ գաստրոդուոդենիտի, ստամոքսի և 12-մատնյա աղու խոցային հիվանդության պատճառը, իսկ ամենավտանգավորն այն է, որ հելիկոբակտերիայի ներկայությունն օրգանիզմում կարող է նաև՝ ամենատարբեր տարիքներում, ստամոքսի քաղցկեղ առաջացնել:
Այս վարակը վտանգավոր է նաև այն առումով, որ հեշտ է փոխանցվում մարդուց` մարդուն, անգամ ամենասովորական կենցաղային շփման միջոցով. բավական է խմել նույն բաժակից, կամ համբուրել զուգընկերոջը: Այդ պատճառով գաստրոէնտերոլոգները ներկայում խոսում են հելիկովարակի բռնկման մասին: Հիվանդությունը շատ արագ փոխանցվում է բուժառուի ընտանիքի բոլոր անդամներին:
Ախտանշանները
Հելիկոբակտերիայի ախտանշանները բազմազան են. ստամոքսային դիսպեպսիայի (սրտխառնոց, ուտելուց հետոч ծանրություն ստամոքսում, բերանից տհաճ հոտ) աննշան ախտանշաններից մինչև խիստ արտահայտված ցավը:
Խորհուրդ է տրվում հետազոտվել այս վարակի կապակցությամբ՝ ստամոքսի և 12-մատնյա աղու խոցային հիվանդության, նախկինում ունեցած ստամքոսային արյունահոսության, ստամոքսի ուռուցքով հիվանդ հարազատներ ունենալու դեպքերում:
Հելիկոբակտերիայի ախտորոշումն իրականացվում է գաստրոսկոպիայի (էզոֆագոգաստրոդուոդենոսկոպիա) օգնությամբ, որի ընթացքում իրականացվում է նաև բիոփսիա է: Վերջինս համարվում է ամենավստահելի հետազոտությունը, քանի որ բացարձակ ճշգրտությամբ թույլ է տալիս որոշել մարսողական օրգանների ախտահարման աստիճանը և օգնում համապատասխան բուժում նշանակել:
Բուժումը
Հետազոտության արդյունքների հիման վրա ընտրվում է բուժման անհատական մոտեցում, որը, բացի ստամոքսի թթվության պաշարողների, ներառում է նաև սպեցիֆիկ հակաբիոտիկներ՝ ըստ ստամոքսի լորձաթաղանթի վրա մանրէի ազդեցության ակտիվության: Դա հնարավորություն է տալիս հասնել մանրէի էրադիկացիայի (ոչնչացման) 90-95 տոկոս դեպքերում՝ արդեն բուժման առաջին կուրսի ընթացքում: Դեղն ընտրվում է՝ հաշվի առնելով անհատական ընկալությունը, հնարավոր բարդությունների բացառումը կամ նվազեցումը: Բուժումն իրականացվում է ամբուլատոր պայմաններում: