«Արմենիա» բժշկական կենտրոն
Տեղեկատու.+374 10 318 190
Ընդունարան. 81 03

Լուրեր

Մասնագիտությունը՝ բժիշկ, շարքից. Խաչատուր Տիգրանի Էյրամջյան

Մասնագիտությունը՝ բժիշկ, շարքից. Խաչատուր Տիգրանի Էյրամջյան

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ


Խաչատուր Էյրամջյանը ծնվել է 1969թ. մարտի 7-ին, ք. Երևանում: Նախնական կրթությունը ստացել է 139 միջնակարգ դպրոցում, ապա ուսումը շարունակել է Մ. Հերացու անվան ԵՊԲՀ բուժական ֆակուլտետում, որն  ավարտել է գերազանցությամբ:
1997-2000թթ. գերազանց սովորել և ավարտել է ընդհանուր վիրաբուժության կլինիկական օրդինատուրայում: Վերապատրաստումն անցել է Ազգային առողջապահության ինստիտուտում ՝լապարոսկոպիկ վիրաբուժություն մասնագիտությամբ: 2008-ից աշխատել է որպես ,,Արմենիա,, ՀԲԿ-ի վիրաբուժական կլինիկայի առաջին վիրաբուժական բաժանմունքի վարիչ: 2009-ից ՀՀ նախագահին առընթեր Հանրային խորհրդի առողջապահության և սոցիալական հարցերի հանձնաժողովի անդամ է : 2011-ից Կանադայի ընդհանուր վիրաբույժների և եվրոպական երկրների էնդոսկոպիկ վիրաբույժների ասոցիացիաների անդամ է: 2014թ-ից հանդիսանում է ՀՀ ՊՆ կենտրոնական բժշկական հանձնաժողովի վիրաբույժ: Ավելի քան 30 տպագիր գիտական աշխատանքների հեղինակ է:

«ԳԵՐԱԳՈՒՅՆ ՀԱՃՈՒՅՔ Է ԶԲԱՂՎԵԼ ՍԻՐԱԾ ԱՇԽԱՏԱՆՔՈՎ»


«Գերագույն հաճույք է զբաղվել սիրած աշխատանքով: Մասնագիտությունս ընտրելիս չէի պատկերացնում,որ այն ինձանից խլելու է ժամանակիս մեծ մասը» - խոստովանում է վիրաբույժի բազմամյա փորձ կուտակած Խաչատուր Էյրամջյանը : Մարդ, ով երախտապարտ է Ճակատագրին ՝ լավ մասնագետ դառնալու և բազմաթիվ մարդկային կյանքեր փրկելու համար:
  

1991-1997թթ. սովորել և գերազանցությամբ ավարտել է ԵՊԲՀ բուժական ֆակուլտետը, իսկ 1997-2000թթ՝կլինիկական օրդինատուրան: 2000-2008թթ. որպես վիրաբույժ աշխատել է «Արմենիա» ՀԲԿ վիրաբուժական բաժանմունքում, իսկ 2008-ից առայսօր նույն բաժանմունքի վարիչն է:
 

ՀՀ ՊՆ նախարարի կողմից պարգևատրվել է «ՀՀ Զինված ուժեր 20 տարի և ԵԿՄ 25 տարի» հոբելյանական մեդալներով:
Այսօր արդեն տարիների փորձով Խաչատուր Էյրամջյանն իր գիտելիքներով կիսվում է երիտասարդ վիրաբույժների հետ, փոխամցում նրանց իր համառությունն ու աշխատասիրությունը :

 

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ

 

Տ. Էյրամջյանն ավելի քան 30 գիտական աշխատանքների հեղինակ է որովայնային վիրաբուժության բնագավառում:

 

«Վիրաբուժական հիվանդություններ» դասագրքի ստեղծման աշխատանքներին ունեցել է ակտիվ մասնակցություն:


Իր մասնագիտական գործունեության ընթացքում ավելի քան 5 հազար մարդ իր կյանքը վստահել է Խաչատուր Էյրամջյանին:
«Արմենիա» ՀԲԿ ընդհանուր վիրաբուժության բաժանմունքում  նրա անմիջական մասնակցությամբ իրականացվում են բժշկական ամենատարբեր վիրահատական միջամտություններ, մասնավորապես, որովայնի օրգանների, ճողվածքներով հիվանդների վիրահատական միջամտություններ և լապարոսկոպիկ վիրահատություններ:


«Մեր վիրաբուժական ծառայությունում են առաջինը Հայաստանում կատարվել կպումային սուր բարակ-աղիքային անանցանելիությանն ուղղված լապարոսկոպիկ միջամտություններ, թափածակված խոցի կարում նորագույն վիրահատական մեթոդով: Կատարում ենք նաև ստոծանու կերակրափողի բացվածքի սահող ճողվածքների բուժում լապարոսկոպիկ եղանակով,ինչպես նաև միջմաշկային լեղուղիների դեղնավորում առանց որովայնահատման,որը թույլ է տալիս բարելավել դեղնուկով տառապող ծայրահեղ ծանր վիճակում գտնվող հիվանդների առողջական վիճակը և նախապատրաստել վիրահատության ՝ խուսափելով բարդություններից:Մեր փորձը շատ մեծ է նաև էխինոկոզի բուժման բնագավառում» - մեզ հետ զրույցում ասաց բուժկենտրոնի ընդհանուր վիրաբուժության բաժանմունքի ղեկավար Խ. Էյրամջյանը:


Բաժանմունքի վիրահատարանները հագեցած են գերժամանակակից սարքավորումներով , օրինակ՝ լապարոսկոպները աշխարհահռչակ KARL SHTORZ  ֆիրմայի վերջին սերնդի արտադրության են: Այն, ինչպես պատմում է վիրաբույժը ,հազվագյուտ սարք է ,որը թույլ է տալիս լեղուղիների վիրահատության ժամանակ հսկողություն սահմանել, ստուգել լեղուղիների անցանելիությունը: «Մեր ծառայությունը հագեցած է նաև ligasure կոչվող համակարգով, որը հնարավորություն է տալիս անարյուն վիրահատություններ կատարել: Բաժանմունքը վերջերս է վերանորոգվել և անվանափոխվել մեծանուն հայ պրոֆեսոր Վ. Թ. Ափոյանի անվամբ, ով վիրաբուժության դպրոցի հիմնադիրներից է, և այստեղ աշխատող վիրաբույժներս նրա աշակերտներն ենք:

 

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ

 

Վիրահատական մեթոդներից հիմնական նախընտրությունը տալիս ենք լապարոսկոպիային, որը բժշկության մեջ համարվում է նորարարական վիրաբուժական մեթոդ»:


Հարցին, թե որո՞նք են լապարոսկոպիայի առավելություններն` ավանդական բաց վիրահատությունների համեմատ, Խ. Էյրամջյանը պատասխանում է. «Լապարոսկոպիկ վիրաբուժությունը նվազ ինվազիվ և տրավմատիկ է, ապահովում է արյունահոսության քիչ հավանականություն, հետվիրահատական բարդությունների ցածր մակարդակ, հոսպիտալացման սեղմ ժամկետ,աշխատունակության արագ վերականգնում և հիանալի կոսմետիկ արդյունավետություն: Սակայն վիրահատական այս մեթոդը կատարվում է բժշկական ցուցումների դեպքում: Ցանկալի չէ լապարոսկոպիայի միջոցով բուժել սիրտ-անոթային և շնչառական համակարգի հիվանդություններով տառապող մարդկանց»:


Սկզբնաղբյուր  Aadmag.am

09.12.2019