Լուրեր
Թունավորումներ շմոլ գազով. Միքայել Գաբրիելյան
Բավականին շատ, գրեթե ամեն օր, ընդունում ենք ընտանիքներ` գազի թունավորումով: Բարեբախտաբար, բոլորը լավացել և դուրս են գրվել:
Հիմա եղանակը ցուրտ է, մարդիկ բնակարանները ջեռուցում են գազով, որը իր անվտանգության խիստ կանոններն ունի:
Անհրաժեշտ է, որքան հնարավոր է, ուշադիր լինել. միշտ ստուգել սարքերը, վառարանները, տալ ծխնելույզները, օդափոխել բնակարանը. որովհետև շմոլ գազը, մեծավ մասամբ, անսարքությունների հետևանք է, տարբեր պատճառներով նաև գազի արտահոսք կարող է լինել:
Շմոլ գազով թունավորման դեպքում դանդաղ մահ կարող է լինել. հիվանդը չի հասկանում, թե իր հետ ինչ է կատարվում և.շ, եթե քնած է, դա կարող է ավարտվել մահով:
Գազով թունավորումները լինում են նաև մեքենաներում , ընդ որում, մեքենայում ավելի բարդ դեպքեր են լինում՝ մնացորդային ծանր երևույթներով, որովհետև այնտեղ փակ տարածություն է և ուշ են նկատում ու արձագանքում: Օրինակ, բնակարաններում, երբեմն գոնե հասցնում են միմյանց զանգահարել, զգուշացնել:
Միքայել Աբրահամի Գաբրիելյան,
Արմենիա բժշկական կենտրոն, սուր թունավորումների բաժանմունքի վարիչ