«Արմենիա» բժշկական կենտրոն
Թեժ գիծ. +374 10 318 109

Լուրեր

Անոթային վիրահատությունների բարեհաջող արդյունքների ամփոփումը շնորհանդեսի շրջանակում

Անոթային վիրահատությունների բարեհաջող արդյունքների ամփոփումը շնորհանդեսի շրջանակում

«Արմենիա» ԲԿ անոթային բաժանմունքում իրականացրած անոթային էնդովասկուլյար վիրահատությունների արդյունքները գոհացուցիչ են ո՛չ միայն հիվանդների, այլ նաեւ վիրահատություններն իրականացրած բժիշկների համար: Իրենց լավ աշխատանքի արդյունքների ու գաղտնիքների մասին բժիշկները ցանկացել են կիսվել մյուս կլինիկաների գործընկերների հետ կազմակերպված շնորհանդեսի շրջանակում: Այս նախաձեռնության մասին զրուցեցինք «Արմենիա» ԲԿ անոթային վիրաբուժության բաժանմունքի ղեկավար Վիրաբ Աղաբեկյանի հետ:

–   Ի՞նչ նպատակով է նման շնորհանդես կազմակերպվել:


–   Առաջին անգամ է, որ նման միջոցառում ենք նախաձեռնել: Այս շնորհանդեսը մեր բաժանմունքի կողմից է կազմակերպվել, որի միջոցով ցանկանում ենք ներկայացնել ամբողջ հոկտեմբեր ամսվա ընթացքում իրականացրած անոթային, մասնավորապես` էնդովասկուլյար վիրահատությունների տեսակներն ու ծավալը: Շնորհանդեսի նպատակն է մայրաքաղաքի այլ հիվանդանոցների էնդովասկուլյար միջամտություններ իրականացնող անոթային վիրաբույժներին ներկայացնել մեր կատարած աշխատանքները, ինչպես նաեւ ստեղծել փորձի ու մասնագիտական գիտելիքների փոխանակման համագործակցություն: Շատ կարեւոր է, որպեսզի գործընկերներով ունենանք մասնագիտական համագործակցություն:

 

Անոթային վիրահատությունների բարեհաջող արդյունքների ամփոփումը շնորհանդեսի շրջանակում Անոթային վիրահատությունների բարեհաջող արդյունքների ամփոփումը շնորհանդեսի շրջանակում


–   Նման կարգի շնորհանդեսները կլինե՞ն շարունակական եւ ինչո՞ւ կարեւորեցիք այն:


–   Մեր կողմից ցանկություն կա, որպեսզի այն կրի շարունակական բնույթ: Ըստ իս, տեղեկատվություն տարածելը` նաև մասնագիտական փորձի փոխանակման առումով, կարեւոր է եւ նման շնորհանդեսն այդ խնդիրը լուծելու ճանապարհներից մեկն է: Վիրահատությունների ծավալներից ելնելով` այն կդարձնենք ավանդույթ եւ հնարավոր է, որ համագործակցենք արտերկրի մեր գործընկերների հետ նույնպես:


–   Շնորհանդեսին վիրահատված հիվանդները նունպե՞ս հրավիրված էին:


–   Ներկա էր միայն բժշկական անձնակազմը, նպատակահարմար չգտանք հիվանդների ներկայությունն ապահովենք, քանի որ սա մասնագիտական աշխատանքներին վերաբերող շնորհանդես է:

 

Անոթային վիրահատությունների բարեհաջող արդյունքների ամփոփումը շնորհանդեսի շրջանակում Անոթային վիրահատությունների բարեհաջող արդյունքների ամփոփումը շնորհանդեսի շրջանակում


–   Ո՞րն է «Արմենիա» ԲԿ կողմից իրականացրած էնդովասկուլյար վիրահատությունների առանձնահատկությունը:


–   Մեր բաժանմունքում նախկինում իրականացվում էին միայն բաց վիրահատություններ: Առհասարակ, բաց վիրահատություններն իրենց բնույթով տրավմատիկ են, հիվանդները օրեր շարունակ պառկում են հիվանդանոցում, հետվիրահատական բարդություններն առավել ռիսկային են: Ներկայումս կատարվում են նաև փակ՝ էնդովասկուլյար վիրահատություններ, որոնք իրենց տեսակով ավելի արագ ապաքինվող են եւ հիվանդը մեկ կամ երկու օրից դուրս է գրվում հիվանդանոցից:


–   Վիրահատությունների նորամուծությունների հետ կապված ի՞նչ հեռանկարներ ունեք:


–   Նպատակ կա ընդլայնել վիրահատությունների ծավալը՝ ընդգրկելով գլխի, որովայնի ու այլ տեղակայման անոթները։

 

 Անոթային վիրահատությունների բարեհաջող արդյունքների ամփոփումը շնորհանդեսի շրջանակում

 

 

15.11.2017