Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Ինչի՞ց են առաջանում մաշկային խնդիրները. պարզաբանում է մասնագետը
«Ցանկացած օրգան-համակարգի հիվանդություն, ինքնին, խնդիր է, և մաշկային խնդիրները ևս բացառություն չեն, դրանք ևս ունեն իրենց բնորոշ պատճառներն ու զարգացման մեխանիզմները»,- MAMUL.am-ի թղթակցի հետ զրույցում ասաց մաշկաբան Կարեն Վարդանյանն, ում խոսքով` մաշկային խնդիրները կարող են ի հայտ գալ որպես ինքնուրույն հիվանդություն:
«Բայց, քանի որ օրգանիզմը դա առանձին օրգանների կույտ չէ, այլ համահունչ աշխատող մեխանիզմ, հետևաբար, մաշկային խնդիրները կարող են ի հայտ գալ նաև որպես որևէ օրգան-համակարգի ոչ ճիշտ գործունեության հետևանք»,- նշեց մաշկաբանը:
Անդրադառնալով բնակչության շրջանում առավել տարածված մաշկային խնդիրներին` ցանին և քորին, մասնագետը նշեց, որ դրանք մաշկային ամենատարբեր խնդիրների միայն ախտանիշներ են. «Հետևաբար յուրաքանչյուր կոնկրետ դեպքում պետք է համադրել այդ ախտանիշներն առկա մնացած ախտանիշների ու փաստացի առկա հանգամանքների հետ` հիվանդության սկիզբ, նպաստող հանգամանքներ, լաբորատոր ցուցանիշներ, ուղեկցող խնդիրներ և այլն: Այդ ամենից ելնելով, պետք է ախտորոշել, հետո միայն որոշել բուժական ռազմավարությունը, կամ, առհասարակ, դրա անհրաժեշտությունը»,- մեզ հետ զրույցում պարզաբանեց մաշկաբանը:


