Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Գիտնականները գտել են քաղցկեղը վիրուսով ոչնչացնելու միջոցը
Գիտնականները հայտնաբերել են վիրուսանման մասնիկներ, որոնք նպաստում են իմունային համակարգի ակտիվացմանը` քաղցկեղի դեմ պայքարում: Վակցինան, իբր, ո՛չ միայն կկանգնեցնի ուռուցքի աճը, այլ նաև կկանխի մետաստազների առաջացմանը:
Միչիգան նահանգի համալսարանի գիտնականները մշակել են վիրուսանման մասնիկներ Qβ, որոնք նպաստում են իմունային համակարգի ակտիվացմանը` քաղցկեղի դեմ պայքարում: Այդ մասին հայտնում է MedicalXpress-ը:
Նշվում է, որ Qβ-ն բակտերիոֆագ է, այսինքն` վիրուս, որն ախտահարում է Escherichia coli աղիքային ցուպիկը: Հետազոտողները պատրաստվում են միացնել ինֆեկցիոն մասնիկները ուռուցքի հետ ասոցացվող ածխաջրատային անտիգենի հետ (TACA):
TACA-ն քաղցկեղային հյուսվածքներում գլիկոզիլացման խանգարված գործընթացի արգասիք է, որի ժամանակ շաքարի մնացորդները միանում են սպիտակուցների կամ լիպիդների հետ: Ուռուցքային ածխաջրատային անտիգենները նույնպես մասնակցում են մետաստազների՝ չարորակ նորագոյացությունների երկրորդային օջախների առաջացմանը:
Qβ և TACA-ի միացման ժամանակ այնպիսի իմուն բջիջները, ինչպիսիք են Т-լիմֆոցիտները, սովորում են ճանաչել ածխաջրատային անտիգենները քաղցկեղային բջիջների մակերեսին և վերացնել դրանք: Գիտնականների խոսքով, վակցինան փորձարկվելու է օստեոսարկոմայով տառապող շների մոտ: Օստեոսարկոման ոսկրերի ուռուցք է, որը հանդիպում է նաև մարդկանց մոտ:
Սկզբնաղբյուր՝ korrespondent.net


