Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
ՄՌՏ, թե՞ կոլոնոսկոպիա
Ուռուցքային հիվանդությունների հայտնաբերման մեջ հաճախությամբ առաջնային տեղ է գրավում կոլորեկտալ քաղցկեղը: Այն հիմնականում ձևավորվում է պոլիպների առաջացման տեղում՝ նրանց բջջային ձևափոխման հետևանքով: Հաստ և ուղիղ աղիների չարորակ գոյացությունների առաջացումը հնարավոր է կանխել, եթե ժամանակին հայտնաբերվեն պոլիպները:
Այդ նպատակի համար հիանալի հետազոտություն է հաստ աղու կոլոնոսկոպիան, ինչն ինվազիվ միջանտություն է և բուժառուների կողմից տհաճությամբ է ընդունվում: Ներկայում շատ տարածված հետազոտություն է մագնիսառեզոնանսային տոմոգրաֆիան (ՄՌՏ):
Կոլոնոսկոպիայի և ՄՌՏ-ի տարբերությունը
Կոլոնոսկոպիան իրականացվում է հատուկ սարքի՝ էնդոսկոպի միջոցով (խողովակ՝ ծայրում տեսախցիկ), որը պատկերը ցուցադրում է մի քանի անգամ մեծացված: Բժիշկը հետազոտության ընթացքում հնարավորություն ունի ուշադրությամբ զննել հաստ աղու լորձաթաղանթը, կասկածելի հատվածներից վերցնել հյուսվածքի նմուշներ՝ մորֆոլոգիական հետազոտություն իրականացնելու համար:
Կոլոնոսկոպիայի ցուցումներն են.
- երկարատև քրոնիկ փորկապությունը կամ լուծը,
- աղիների շրջանում մշտական ցավը, հաճախակի վքնածությունը,
- արյունային, լորձային կամ թարախային զանգվածի առկայությունը կղանքում։
Կոլոնոսկոպիան ցուցված է նաև 45 տարեկանից բարձր մարդկանց՝ կանխարգելիչ նպատակներով: Եթե անամնեզում հարազաըների մոտ նշվում է քաղցկեղով հիվանդներ, կանխարգելիչ հետազոտությունը կատարվում է ավելի վաղ:
Կոլոնոսկոպիան արդյունավետ մեթոդ է բորբոքային խնդիրների, խոցերի, էրոզիաների, բարորակ և չարորակ գոյացությունների վաղ հայտնաբերման համար: Հետազոտության ժամանակ, ցավից խուսափելու նպատակով, այն իրականացնում են քուն առաջացնող սեդացիայի պայմաններում:
Բայց, միևնույն է, շատ բուժառուներ խուսափում են այս հետազոտությունից, և որպես փոխարինող մեթոդ առաջարկվում է ՄՌՏ-ն:
Աղիների ՄՌՏ-ն ոչ ինվազիվ մեթոդ է, որի ժամանակ մագնիսական դաշտի կենտրոնացմամբ ակտիվացվում են ջրածնի ատոմները:
Երբ էներգետիկ մակարդակը նվազում է, նրանք սկսում են էներգիա ճառագայթել, որի շնորհիվ էլ ստացվում է պատկերը: Եռաչափ մոդել ստանալու համար սքանավորումն իրականացվում է 4 մմ-ոց փոքր քայլերով:
Եթե կոլոնոսկոպիայի ժամանակ ստացվում է անմիջական պատկեր, ՄՌՏ-ով դիտվում են տարածական մի քանի պատկերներ:
Կարելի՞ է կոլոնոսկոպիայի փոխարեն կատարել ՄՌՏ։
Եթե անհրաժեշտ է հայտնաբերել աղու կոլոռեկտալ սեգմենտի ուռուցք, ապա կոլոնոսկոպիան ավելի տեղեկատվական է և նախընտրելի, քանի որ կարելի է նաև հետագա հետազոտման համար նմուշ վերցնել, ինչը հնրավոր չէ ՄՌՏ-ի ժամանակ: Վերջինս կատարվում է, եթե կոլոնոսկոպիան հակացուցված է, կամ բուժառուն արտահատված վախ ունի դրա նկատմամբ:
Եթե կոլոնոսկոպիայով հայտնաբերվել է չարորակ օջախ, ապա վիրահատությունից առաջ անպայման կատարվում է ՄՌՏ ՝ կոնտրաստի ներարկմամբ, պարզելու, թե ուռուցքը որքան խորն է աճել հյուսվածքների մեջ, և օջախից դուրս տարածա՞ծ է, թե՝ ոչ, կա՞ն մետաստազներ լիմֆատիկ հանգույցներում կամ այլ օրգաններում:


