Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Արյան հետազոտության հիմնական ցուցանիշները
Հեմոգլոբին
Հեմոգլոբինի հիմնական գործունեությունն է թթվածնի տեղափոխումը թոքերից հյուսվածքներ և օրգաններ, ինչպես նաև՝ ածխաթթվի հեռացումն օրգանիզմից:
Հեմոգլոբինի ցածր ցուցանիշները խոսում են սակավարյունության, արյան կորստի, ներքին օրգանների վնասման, ներքին, թաքնված արյունահոսության մասին:
Հեմոգլոբինը բարձրանում է արյան, սրտի որոշ հիվանդությունների (սրտային անբավարարություն), ջրազրկման ժամանակ:
Էրիթրոցիտներ
Էրիթրոցիտների մակարդակն արյան մեջ կարող է բարձրանալ ինչպես հիվանդությունների, այնպես էլ օրգանիզմի համար անսովոր պայմանների դեպքում, օրինակ, լեռնային վայրերում՝ թթվածնի մակարդակի նվազման ժամանակ:
Էրիթրոցիտների քանակի ավելացում տեղի է ունենում հետևյալ հիվանդությունների ժամանակ. սրտի արատներ (բնածին կամ ձեռքբերովի), թոքերի, բրոնխների, լյարդի, երիկամների հիվանդություններ, օրգանիզմում ստերոիդ հորմոնների մեծ քանակ, Կուշինգի հիվանդություն, հորմոնալ թերապիա:
Էրիթրոցիտների ցածր քանակ դիտվում է սակավարյունությունների, սուր արյունահոսության, օրգանիզմում քրոնիկ բորբոքումների ժամանակ և հղիության ուշ շրջաններում:
Լեյկոցիտներ
Լեյկոցիտների ամենակարևոր գործունեությունը օրգանիզմի վրա բացասական ազդեցության մակարդակը նվազեցնելն է:
Տարբերում են լեյկոցիտների 5 տեսակ․ լիմֆոցիտներ, նեյտրոֆիլներ, մոնոցիտներ, էոզինոֆիլներ, բազոֆիլներ, որոնցից յուրաքանչյուրը կատարում է կոնկրետ գործունեություններ:
Լեյկոցիտների բոլոր տեսակների փոխհարաբերությունը պարզելու համար անհրաժեշտ է կատարել արյան լայնածավալ հետազոտություն:
Լեյկոցիտների քանակի իջեցումը՝ լեյկոպենիան, կարող է լինել վիրուսային վարակների, դեղորայքային թերապիայի (հակացնցումային, ցավազրկող դեղեր) ժամանակ:
Թրոմբոցիտներ
Թրոմբոցիտներն արյան մակարդելիության ցուցանիշ են: Նրանց քանակի ավելացումն արյան մեջ դիտվում է քրոնիկ բորբոքային հիվանդությունների (տուբերկուլոզ, խոցային կոլիտ, լյարդի ցիռոզ), հորմոնալ թերապիայի ժամանակ, վիրահատություններից հետո:
Թրոմբոցիտների ցածր մակարդակը դիտվում է ալկոհոլի ազդեցության, ծանր մետաղներով թունավորման, արյան որոշ հիվանդությունների, երիկամային անբավարարության, լյարդի, փայծաղի հիվանդությունների և հորմոնալ խանգարումների ժամանակ: Այն կարող է լինել նաև որոշ դեղերի օգտագործման դեպքերում (հակաբիոտիկներ, միզամուղներ, դիգօքսին, նիտրոգլիցերին և այլն):
Արյան բիոքիմիական հետազոտության ցուցանիշները
Գլյուկոզա
Այս ցուցանիշը ցածր է ոչ լիարժեք և ոչ կանոնավոր սնվելու, հորմոնալ հիվանդությունների ժամանակ:
Գլյուկոզան արյան մեջ բարձրանում է շաքարային դիաբետի դեպքում:
Ընդհանուր սպիտակուց
Ընդհանուր սպիտակուցի ցուցանիշը կարող է իջնել լյարդի, երիկամների աշխատանքի խանգարման, թերսնման ժամանակ: Նրա քանակի կտրուկ նվազումը ցույց է տալիս, որ սննդակարգը չի նպաստել օրգանիզմի վիճակի բարելավմանը:
Ընդհանուր բիլիռուբին
Ընդհանուր բիլիռուբինի քանակն արյան մեջ լյարդի գործունեության ցուցանիշ է, որը բարձրանում է հեպատիտների, լեղաքարային հիվանդության ժամանակ:
Կրեատինին
Կրեատինինի քանակի որոշմամբ գնահատվում է երիկամների գործունեության վիճակը: Նորմայից բարձրացումը երիկամային անբավարարության նշան է, իջեցումը խոսում է իմունիտետի մակարդակի մասին:


