Լուրեր

Արմենիա ՀԲԿ վիրաբուժական կլինիկայում 07.2023 թ.-ին կատարվել է հերթական բարդ վիրահատությունը:

Պացիենտ Բ.Գ., 52 տարեկան, վիրաբուժական բաժանմունք էր ընդունվել ստամոքսի ելքային հատվածի մատանիաձև-բջջային քաղցկեղ ախտորոշմամբ, որը հաստատվեց մեր կլինիկայում կատարված հետազոտությունների արդյունքում: Նախատեսված էր կատարել գաստրէկտոմիա, սակայն վիրահատության ընթացքում պարզվեց որ ամբողջ ստամոքսը՝ մինչև կերակրափող, ինֆիլտրացված էր, պատերը՝ հաստացած, կոշտացած:

Ելնելով գործընթացի տարածվածությունից, կատարվեց գաստրէկտոմիա՝ կերակրափողի ստորին 1/3-ի ընդգրկումով, D2 լիմֆոդիսեկցիա ձևավորվեց էզոֆագո-էնտերոանաստամոզ՝ ծայրը կողքին /ըստ Դավիդովի/, միջգալարային Բրաունյան անաստամոզ՝ կողքը կողքին:

Հետվիրահատական շրջանն ընթացել է առանց բարդությունների։ Հիվանդը դուրս է գրվել հետվիրահատական 10-րդ օրը բավարար վիճակում:

Վիրահատությունը կատարվել է վիրահատող Արմինա Ռ. Նալբանդյանի, օգնական Սարգիս Մ. Գևորգյանի, անեսթեզիոլոգ Տատյանա Լ.Զագինայլոյի կողմից։